Thursday, September 1, 2011

मंगल दिन आयो



श्री गणरायाच्या आगमनाच्या दिवशी मनातले नाना संकल्प पूर्ण होतील याची खात्री वाटते. मंगलमय वातावरणात नव्या विषयांची गुंजी घालणे सुरू आहे.
आपले ते धन
विचाराने फळा यावे
धरूनिया सिध्द व्हावे
विचारांती....
प्रेरणेला कर्तव्याची जोड मिळाली आणि त्याची सिध्दी झाली तरच या गोष्टी पूर्णाशांने अंतिम टप्पा गाठणार आहेत.
गणपती..बुध्दीची देवता..
आपली शक्ति तीही नवे विचार कागदावर उमटवून ते शक्य तेवढ्या त्वरीत कार्यवाहित आणणे...
ठेविले अनंते..न राहता... काहीतरी नवे करण्याची क्षमता आणि त्यासाठी लागणारे चिंतन करायला..आजचा दिवस..नव्हे तसा प्रत्येक दिवस चांगला आहे.

दूरवरचा उगवतीचा प्रकाश अंधुकसा का होईना.. तुम्ही उघड्या डोळ्यानी पाहू शकत असलात तरच उद्याचा हा नवा प्रकाश तुम्हाला नवी द्ष्टी नक्की प्राप्त करून देईल. यावर माझी श्रध्दा आहे.
क्षितीजाच्या पलिकडे ...
पाहतो तिथे ..
क्षितीजाकडे
अंधुकसा प्रकाश
भास होई..
नकळे केव्हा
भासतूनी आस
राहून विश्वास
आस मनीची
पूरी होई...
करू किती चिंता
भजतो आता
तुही अंती
तुझे रूप अनंत
तुझे चित्त शुध्द
राखोनी अनेकांची
दारी येई..
असा भास नव्हे आभासाचे..सत्त्यात रूपांतर व्हावे..आसक्तीसाठीचा उल्हसितपणा देही फुलावा.. आसंमतात भारून राहिलेला..विविधतेते नटलेला...एकवटूनी यावा..अशी प्रार्थना करून ..नवी प्रेरणादायी चिंतन करतानाचा हाच ते क्षण...
चित्तवृत्ती भारून टाकते
विचारचक्राला दिशा येते
भासमयतेचा पडदा दूर होतो
अवकाशातल्या आसमंतात.. विरून गेलेली शांतता.. बाजूने कितीही ढोल-ताशांचा गजर होत असला तरी माझी विचार दालने कुठल्याही बाधेला न जुमानता आपली दिशा ठरविण्यासाठी आता सिध्द होत आहेत...
पाहूया यातून काय साध्य होते आणि काय सिध्द होते ते........



सुभाष इनामदार, पुणे

subhashinamdar@gmail.com


1 comment:

DEEPA said...

priy सुभाष जी, khupachh सुन्दर.Ase vatate ahe की janu tumhi he je malach uddeshun lihile ahe.he je tumhi lihile ahe ते mi anubhavate ahe.agadi mazya manatale vicharana tumhi vaat करुण दिली asech vatate.ani tumhi mantale tya pramane kharokharach mi anubhavate ahe की kahitari navin karyanasathichi kshamata ani tyache चिंतन he je mi yenarya pratek divashi karat ahe.ani ते falrup hot ahe.tumchya dhhradhevar mazi dhrradha ahe.ani shevati mhatale TYA pramane Mala khatri ahe की yatun khup kahitari Bhavya दिव्य सिद्ध honar ahe