इनामदारी.. मुळे लाभली रसिकांच्या मनात संगीताची संगत ..

संगीतकार कौशल इनामदार यांनी आपले आजोबा शंकरराव बिनीवाले यांच्या संगीत संस्कारातून तयार झालेले संगीताचे मनावरचे गारूड कसे पुढे वाढत गेले..

आणि जुन्या चालीत बांधलेल्या गाण्याच्या सुरावटी आणि त्यांचे ताल यातून १२ स्वरांचा हा संगीताचा प्रवास आपल्या आयुष्यात कसे नवे वळण घेत अवतरला याचे सोदाहरण स्वरकिर्तन आपल्या थोड्या स्पष्ट शब्दात वर्णन करून दोन तासाचा इनामदारी हा कार्यक्रम पुण्यात रंगवला..

निमित्त होते कलासक्त फाउंडेशन यांचे वृत्ती आयोजित केलेल्या कौशल इनामदाराच्या संगीत कारकिर्दीचे मर्म जाणून देणारा अनुभव ऐकण्याचे.

संगीतकार कौशल इनामदार.. यांनी संगीतकार म्हणून केलेले काम आणि त्यांची गाण्यातील ओळख यांचे नाते उलगडणारी ही वाटचाल..

इनामदारी..या कार्यक्रमात त्यांच्यासोबत होते

सोमेश नार्वेकर ( गायन - सिंथ), चैतन्य गाडगीळ ( गिटार) आणि अमेय ठाकुरदेसाई ( तबला) हे साथ देणारे कलावंत मित्र.

दोन तास इनामदार एखाद्या तल्लीन झालेल्या उत्तम पठडीदार कीर्तनकार प्रमाणे आपल्या अभ्यासपूर्ण विवेचनातून रसिकांच्या मनाला शब्दांचा आणि संगीताचा आनंद देत होते..

बारा सुरांची मुशाफिरी कशी केली. आणि ती करताना आपण कसा विचार केला याचा विचार त्यांनी बोलून दाखवून एका चालीत बांधलेली दोन गाणे कशी संगीतकाराने तयार केली ते उदाहरणे देऊन आपल्या इनामदारी मध्ये सादर करून रसिकांची दाद घेतली..

बालगंधर्व चित्रपटातील पर्वतदिगार पर्यंत येऊन ठेपला..आणि शेवट मराठीतील ४६० गायकांनी गायलेले मराठी अभिमान गीत सुरेश भट यांचे लाभले आम्हास भाग्य बोलतो मराठी याची घडलेली खाणी कथन करून ते गाणे ऐकवून आपल्या इनामदारी या कार्यक्रमाचा त्यांनी शेवट केला..

इथे कौशल इनामदारांचे संवाद कौशल्य आणि कोपरखळ्या मारीत कार्यक्रम पुढे नेण्याचे कसब रसिकांच्या टाळ्यांनी अधिक रंगतदार झाले.

- Subhash Inamdar,

Pune

subhashinamdar@gmail.com