एका प्रखर देशभक्तिने भारलेल्या आणि देशातल्या जनतेच्या आकांक्षा पूर्ण
करण्याची इच्छा शक्ति असलेल्या..प्रसंगी तेवढ्याच हळव्या व्यक्तिमत्वाचा परिचय
देशाचे नवे पंतप्रधान भाजपाचे नरेंद्र मोदी यांच्या व्दारे जनतेला मिळाले आहेत.
आज संसदीय पक्षाच्या बोठकीत नेता निवडीच्या वेळी पक्षाचे ज्येष्ठ नेते
लालकृष्ण आडवाणी यांनी नरेंद्रभाई मोदी यांनी आमच्यावर कृपा करावी असे वक्तव्य
केले..
त्यावरून मोदी एका क्षमी अतीशय भाऊक झाले..डोळ्यातून अश्रूधारा वाहू लागल्या..
भाजप देखील माझी आईच आहे, मुलगा आईवर कृपा करू शकत नाही तो केवळ सेवा करू शकतो. कृपा
तर पक्षाने केली आहे की त्यांनी मला देशसेवा आणि पक्षाची सेवा करण्याची संधी दिली
आहे.
देशासाठी मरता आले नाही..पण देशासाठी जीवन देण्याचे वचन त्यांनी दिले..
एक कणखऱ आणि कोमल व्यक्तमत्वाचे दर्शन तर घडलेच पण त्याबरोबरच इतरांच्या मनात
सकारात्मक भूमिकेचे बीज आकाराला आणणारे एक जबरदस्त व्यक्तिमत्व देशाने आज पाहिले..
त्यांचा निर्धार तगडा..त्यांचे विचार तेजस्वी..आणि देशातील जनतेचा विश्वासही
त्यांच्यावरचा गाढा...त्यांच्या खांद्यावर जबाबदारीचे ओझे असले तरी आपल्या सा-या
सहकारी..मग ते पक्षातले असो वा घटक पक्षातले..यातून देशाला पुढे नेण्याचे स्वप्न
पाहणारे आणि ते पुढे नेणारे देशाला लाभलेले उत्तम नेतृत्व आहे यात तिळमात्रही शंका
वाटत नाही..
वंदे मातरम..
-सुभाष इनामदार,पुणे
