मी तुला स्वप्नात पहावे
की तुला पापण्यात लपवावे
मी तुला शब्दात शोधावे
की तुला भावनेत पहावे
अस्तित्व तुझे मनी असावे
की ते फक्त मला कळावे
अंतरीच्या डोळ्यांनी पहावे ........
पाकळ्या गळून जाव्या
गंध उडून जावा
परी अस्तित्व वृक्षाचे
जसे जागेवरी उरावे
खुणा भेटीच्या विरलेल्या
प्रेम मात्र ह्रदयी उरावे
मी तुला नित्य स्मरत जावे .........
संपून मैफील गेली तरीही
गाणे मनात राहावे
वाट रिकामीच जरीही
वाटेकडे डोळे असावे
वळणावरी सुखाच्या तू मला भेटावे
निशब्द दोघांनी असावे
No comments:
Post a Comment